ELIGIBILITY CRITERIA AIR DEFENCE

Air Defence

Nationality	:	Male Citizen of Pakistan
Marital Status	:	Unmarried
Age	:	16-22 years
Height	:	163cm
Training	:	3 years at PAF Academy Risalpur leading to the award of BS in Aviation Sciences and Management from Air University Islamabad
Type of Commission	:	Permanent Commission (PC)
Educational Qualification	:	F.Sc with 60% marks in aggregate in any one of the following disciplines:-
	:	Pre Engg
	:	Comp Sciences
	:	‘A’ Level with Physics, Math and Biology

Jannat kay pattay novel in roman part 2

PART 2

S-pehr ki thandi c chaya har so chai thi. Woh purse kandhay sy latkay, bareek heel sy chalti porch main khari apni car ki taraf ai, jo thi tou isky bhai rohail ki, magar isky parhai ki garz sy america chaly janay k baad HAYA ki malkiyat thi.

Iski chabi lock main ghumai he thi k gate k paar sy ZARA ati dikhai di. Woh darwaza khol kar muskurati hui seedhi hui.

"HAYA! mujhai tou koi mail nahi ai". ZARA ny adh khuly gate ko dhakail kar andar qadam rakha. Is kay chehray pe udaasi thi. Woh darmiyani shaqlo surat ki stylish c larki or HAYA ki ham-umar thi.

"Koi baat nahi, ik do din main ajaygi. Tum fikar na kro. Hamny saath he apply kiya tha, mera selection hogya tou tumhara bhi hojayga". HAYA driving seat ka darwaza adha kholay, khary khary btany lagi.

"Magar scholarship programme k office k bahir ajj jo list lagi h, is main bhi mera naam nahi hai".

"Or mera?"

"Sirf tumhara hai hamary department say or environmental sciencz ki ik larki KHADIJA RANA hy, mera khayal hai mera selection nahi hua".

"Oh". Isay afsoos hua. Raat phone call k baad iski ZARA say ab baat horhi thi.

"Khair, tum kahi'n jaa-rahi thi?" ZARA chehry pe dubara bashashat laty huy ponchny lagi.

"Haan, market jaa-rahi thi IRUM k saath. DAWAR BHAI ki mehendi ka function hai or mery lehengy k saath ki high heels ghum hogai hai. Shayad kaam wali utha kar legai hai. Ab nay (new) juty leny parengy. Tum chalogi?" Woh gari sy koni lagay tafseelan btany lagi. Is waqt wo halki asmani lambi kameez or tung churi-daar pajamay main malboos thi. Kameez ka daman takhnoo'n sy zra upar tak tha. Ham rang dupatta gardan k gird lapeeta tha, baal kamar par giry thy or adatan ankho'n main ghehra kajal dala tha.

"Haan, chalo phir jaldi nikalty hain". ZARA foran taiyyar hogai or front seat ki taraf barhi.

"IRUM ko bhi lena hai". HAYA ny andr beth kar darwaza band kya or agnision main chabi ghumai.

"Wesy tumhary sakht sy taya IRUM ko q tumhary sath shopping pe jany ki ijazat dedety hain?"

IRUM in dono sy junior thi or iska department bhi dusra tha, so ZARA ki issay ziada mulaqat na thi.

"Inki sakhti sirf scarf tak hai. Wesy bohot achy hain wo".

Woh car bahir gate pe lay ai. IRUM ka ghar HAYA k ham-say main tha. Dono gharo'n ki darmiyani dewaar main anay janay ka rasta bhi mojoud tha lekin isay jab bhi IRUM ko pick karna hota wo isky gate pe haran (horn) diya karti thi. Ab bhi zoor-daar haran (horn) diya tou chund he lamhy baad IRUM bahir nikal ai.

Kansni lambi kameez or trouser main malboos ham-rung dupatta phaila kar samny liay chehry k gird matching ka kasni scarf lapyty takreeban bhagty huy pichli seat k darwazy kar ai thi.

Hellow HAYA hellow ZARA, be-taqallufi sy bethy huy isnay darwaza bnd kiya, HAYA k sath outing k programme isay yuhi khush kiya karty thy.

Kesi ho IRUM tumsy mulakat he nh ho pati, ZARA ny tirchi hokar rukh peechy kiya,

Apka department dour parhta haina tab-he, or haan HAYA btarahi thi k app logo'n ka TURKEY ka selection agya hai?

Main select nh hui HAYA hogai hai, khair isme koi behtari hogi. Tumny nahi apply kiya tha?

Abba ijazat dety tab na, woh udaas hogai.

Wesy parents ko itna sakht nh hona chye ZARA ny kaha. 

HAYA ny tarti nazro'n sy usy ghoora k kahi'n pehly sy ehsaasy kamtari main mubtila IRUM mazeed udaas na hojay magar ZARA gardan  oray pechy dekh rahi thi or IRUM ..... IRUM hasby tawaqqo udaas hogai thi.

Abba bhi pta nhi kispe chaly gay, itni garmi main scarf lena asaan hota hai kya? or phir kal mehendi k lehengy ki adhi asteenain nh bnany di mujhai. HAYA ki bhi tou adhi asteenain hain. Itni achi lagti hain, magar abba bhi zra SALMAN CHACCHA ki tarha nahi hain. 

IRUM tumhain ajj kiya lena hai? Mainy juty lainy hain, usnay koft chupaty huy bat ka rukh badla. IRUM ka har waqt shikaiti rawaiyya usy be-had bura lgta tha. 

Churiya'n leni hain magar lehengy ki full sleeves k sath chiriya'n achi bhi nahi lageingi. Woh bisory phrsy shuru hogai, to HAYA ny sar jhattak kar CD player on krdia.

ATIF ASLAM ka geet buland awaz main goonjnay lga to IRUM ko khamoosh hona pra.

JINNAH SUPER MARKET pohonch kar IRUM to churiya'n dhoondhny nikalgai jbky woh dono METRO SHOES pe agai'n.

Ye GOLDEN wala jo teesry number par rakha hai ye dikhayein, bohot der bd ik unchi heel uski nazar main jachi thi.

Ye wala MAA'M? Sales man ny pura jora nikal kar usky samny rakha. Woh zameen pe panjho'n k bal betha tha jbky HAYA or ZARA samny counch par bethi'n th.

Pehnadun MAA'M? Bohot moddab or shahista andaz main ponchty huy sales man ny hato'n main pakra juta usky paun k kareeb kiya, Woh khoobsurat heel main mukeed thi .

Mery haath nh tuty huy main khud pehen sakti hun.

G sure ye lijiay, sales man ny muskura k juta uski taraf barhaya. Isnay isay yun pakar rakha tha k isay thamty huy HAYA ki ungiya'n lazmi usky hath sy mix hoti,

Samny rakhdo main utha lungi, uskay rukhy lehjay pe sales man ny zay-ray lab gungunaty huy juta samny rakhdia.

Phir bill ki adaigi k bd counter pe khary larky ny bakaya rakam uski taraf barhai to HAYA ny dekha chand noto'n k upr panch ka sikkA rakha tha or larky ny sikky ko yun pakar rakha tha jesy sales man ny jutoo'n ko...... Takay usay tham-tay waqt lazman uska hath takray.

Shukriya HAYA ny note kinary sy pakar kar khenchy, sikka larky k hath main rehgya.

MAA'M apka sikka, larky ny fatihana andaz main sikka iski janib barhaya k abtou lazmi pakrygi, or..... 

Ye samny rakhy sadqy k box main daldo, Vo by-niyazi sy shopar thamay palat gai, ZARA ny be-ikhtiyar kehka lagaya.

Us larky ki shakal dekhny wali thi HAYA.

Dill tou kar raha tha k uski ishi shakal par shopar k sary juty day maru'n, maloom nahi hamary mardo'n ki zehniyat kab badlygi. Yun ghoortay hain jesy kabhi larki dekhi na ho.

Woh tanaffur say naak sakortay gussy main bolti ZARA k sath seeriya'n utar rahi thi jab kareeb sy awaz ai.

Kay itna ban-sanwar kar bahir na nikla karo bibi, woh chonk kar akhiri seeri par thekar gai, woh ik moam-mar khatoon thi, bari c chadar main lipti hui na-gawari bhari nigaah uspar daal kar ahista ahista upar zeena charh rahi'n thi'n.

Iktou logo'n ko raah chalty tableegh karny ka bohot shoq hota hai. Or woh bhi bohot kuch kehti magar ZARA usko koni sy thamay usay waha sy lay ai. Tab he IRUM samny sy ati dikhai di. Uskay seenay pe phela dupatta ab simat kar gardan tak agya tha, usnay kuch khas shopping nh ki thi, shayad vo srf inkay sath outing pe ai thi.

METRO sy vo scope chali ai'n, k kuch halka phulka khalain, raat ki dawat to TAYA FURQAN ki taraf thi, jo woh bety ki shadi k liay jama huy khandan walo'n k liay day rahy thy.

Mery liay pine-apple slash mangwa lena, main zra bakery sy kuch lay aoun, IRUM jhat sy bahir ko lapki, HAYA ny gehri saans lety huy apni janib ka sheesha neechy kiya. Sard hawa ka thapay-ra tezi sy andar aya tha, magar itni sardi main slash peeny ka apna mza tha.

Woh parking laat main majoud thi, or thandi hawa ny sari jga ko gher rakha tha. Magrib gegri ho chuki thi or har taraf andhera sa tha.

IRUM khaasi complexd lagti hai, IRUM dour hogai to ZARA iski taraf ghoom.

Or tum iskay inhi complxes ko hawa day rahi ho, woh ulta ishi pe khafa hui.

TAYA FURQAN srf scarf ki sakhti karty hain, bas vo ishi bat pe khud-tarsi ka shikaar hai, or tum iska saath day-rahi'n thi'n.

Meny socha k vo bichari.

Nahi hai voh bichari, ab usko bhi yehi samhjana k vo khuma-khaa'n ki khud tarsi say nikal ay.

Waiter hath main card pakry HAYA ki taraf khulay sheeshy k bahir aa chuka tha.

Tumhay yaad hai ZARA pichlay saal jab university walo'n nay hamein TURKEY ki trip ki ass dilai thi or akhir main pohonch kar sara progarmme he cancl krdia th.

Order likhwa kar vo sheesha upar charhaty huy yaad kar k kehnay lagi.

Main tou itni mayous hogai thi k socha bhi na tha k kbhi turkey jaa sakungi, iski awaz main ASS jurnay ki khusi dr-ai thi.

ZARA or vo ISLAMIC UNIVERSITY main LLB HONOURS k panch (5) saal main thi'n, uska sathwa (7) semister darmiyaan main tha, jab europi union ki sponserd scholarship elaan hua, jiskay tehet europe or asia ki universities k maa-bayn talba ka tabadla hona tha, chund maah k liay yaha sy kuch talbaa europe ki universities jayngy, or ik semister parh kar wapis ajayngy, jab europian universities main dar-khuwast deny ki bari ai tou, usay TURKEY ki SABANJI UNIVERSITY ka form sabsy asaan lga, or phir ik HASPANWI UNIVERSITY main bhi saath apply krdia, ab bila-akhir SABANJI UNIVERSITY main usay muntakhib krlia.

Idhar satwa (7) semister pura kar k febuary main panch (5) k liay TURKEY jana tha, abhi december chal raha tha, jaha'n iskay liay apnay mazameen (shariya and law) to naa thy, TURKEY ka kanoon PAKISTAN k kanoon sy mukhtalif tha, so panch (5) maah k liay voh apni marzi sy koi bhi mazmoon parh sakti thi, phr wapis PAKISTAN akar usay LLB ka athwa (8) semister shuru karna tha. 

Kitna mza ayga HAYA, koi romantic sa handsome sa ham-safar tumhain miljay to tumhara safar kitna khoobsurat hojayga.

Hamsafar koi nahi milnay wala q k PAKISTAN say SABANJI srf ham do larkiya'n he jaa rahi hain or phir ham thehry all-women university main parhnay waly.

Woh KHADIJA RANA jo tumhary sath jaa rahi hai, ussay koi bat hui?

Waiter ny sheesha bajaya tou HAYA chonki, phir sheesha neechy karny lagi.

Nahi, KHADIJA RANA ko tou main janti bhi nahi hun, maloom nahi kon hai. Isnay slash k glass pakray. ZARA ka isay thamaya or IRUM ka dash-board par rakha, phir apna glass labo'n sy lagay, thanda sa slash andar tak utarta gya, be-dihaani main woh sheesha bnd karna kab bhooli usay ilm na hoo-ska.

Daftan ZARA ka mobile bja. ZARA ny sip lety huy mobile kaan sy lagay.

HELLOW AMMA JE? kya? awaz kharab hai, ik minute.... ZARA k phone k galiban signal theak nahi arhy thy wo slash ka glass hath main pakray darwaza khol kar bahir chali gai.

HAYA apnay glass k choty choty sip lety huy ZARA ko window screen k paar say dekhti rahi, ab vo dour ik darakht k sath khari bat karrhi thi.

HELLOW MY LADY. Koi ik dam sy iskay bohot kareeb akay bola, woh dar kar uchli. Zra sa juice kapro'n pe chalak gya.

Khuli khirki pe ik aurat muskuraty huy jhuki hui thi. Makeup sy latpat chehra, chamaktaa hua eye shadow, bharakti hui surkhi, balo'n ka jura, cham cham karty kapry....Woh aurat nahi thi magar voh mard bhi nahi tha.

Kesi ho je! woh uski khirki pe pura jhuka khara tha. Glass uskay hath main kanpa, be-ikhtiyar usnay sheesha upar charhana chaha magar uskay hath darmiyaan main thy.

Daro nahi baji ji, main apki dost hun, DOLLY kehty hain mujhai.

Hato hato jao, woh ghabraa gai. Khuwaja sara k wajood sy sasty perfume ki khushbuu uth rahi thi, usay karahiyat c ai.

Zra bat tou suno, usnay apna chehra mazeed jhukaya or ussay phly k voh agay barhta, HAYA ny slash ka bhara hua glass uskay mu'n pe ulat diya. Thandi thar baraf chehry pe pari tou woh jhatkay sy peechy hta. Usnay phurti sy sheesha upar charhaya.

Suno ji.... Woh muskurata chehra saaf karta sheesha bajany lga, band sheeshy k bahir sy uski awaz halki hogai, or ab voh koi geet gun-gu-nanay lga tha, kap-kapaty hato'n sy usnay agnision main chabi ghumai, or gari (car) waha say nikal lai, bakery k dakhili darwazy k samny car lakar usnay palat kar dekha.

Waha'n darakhto'n k sath woh DOLLY nami khuwaja-sra abhi tak khara tha. Woh iskay peechy nahi aya tha, or ab gaa bhi nahi raha tha, bas khamoosh gehri nazro'n sy usay dekh raha tha, usay be-ikhtiyar jhurjhuri c ai.

Kaha'n rehgai'n ye dono, usnay jhunjhula kay horn pe hath rakhdia, phir gardan mor kar dubara dekha. Usay he dekh raha tha 

NEXT PART WILL BE UPLOADED ON SUNDAY

Jannat kay pattay novel in Roman English part 1

BAAB-1

PART 1

Laptop takkiay pe rakha tha or usky samny kohnio'n kay bal ondhi laiti hui thi. Screen ki roshni isky chehry ko chamka rahi thi.  Woh thori talay hatayli rakhy dusray hath ki ik ungli laptop k search-pad per phair rahi thi.

Lambay seedhy siyah baal peechy kamar pe pary thy. Iski ankhein bhi waisi he thi'n, siyah bari bari ankhein, jinmain chandni ki c chamak thi or chehra to malai ka bna lagta tha, Safaid mulaim or chamakdaar.

Woh ishi magan andaz main screen par nigahein markooz kiay, search-pad pay ungli phair rahi thi, ik click k baad agla safa khula tou ik dam iski ungli theher ga. Screen pe jami ankhon me zra sa tafkra ubhra or phir be-chaini . Isny jaldi jaldi do teen button dabay.

Loading.....

Aglay safhay k load honay ka intizar krty huy isi muzbarb andaz main is nay ungli sy chehry k dai'n taraf phisalti latein peechy kee'n.

Chund seconds baad safha load hogya tha. Woh be-chaini sy chehra screen k kareeb lai to silky balo'n ki chnd latein phir sy shanay pe phisal kar agay ko giri'n.

Jaisy jaisy voh parhti gai iski siyah ankhein hairat sy phelti gai'n lab zra sy khulgay or pura wajood by-yakeeni main doob gya. Dhair sary lamhay lagy thy isay khudko yakeen dilany main kay jo vo parh rahi hai bilkul sach hai or jaisy he isky zehen main yakeen ki dharti ko chuwa, Woh ik jhatkay sy uth baithi.

Iska cell-phone side table pe rakha tha. Isny hath barha kar cell uthaya or jaldi jaldi koi number milanay lagi. Raat ki muqaddas khamooshi main buttonno'n ki awaz ny zra sa irtiash paida kiya tha. Isny phone kaan sy lgaya. Dusri janib ghanti jaa-rahi thi.

"HELLO ZARA?" shayad rabtaa milgya tha, tab-hi vo dabay dabay josh se chehki. Kaisi ho? soo to nahi gai thi? Haya bol rahi hoon.

Dusri taraf uski dost kuch keh rahi thi. Woh lamhay bhar ko sunnay k liay ruki, phir dheery sy hans di. Sari batein choro ZARA! Mairy pas jo bari khabar hai vo suno, ab vo adatan siyah balo'n ki ik moti c lat ungli pe lapayti keh rahi thi. Tum yakeen nahi krogi, main janti hoon.

Aray nahi, DAWAR BHAI ki shadi k mutalliq nahi hai "Dusri janib ZARA ny kuch kaha or usny tadeed ki. Balky yun kro tum guess kro k main tumhy kia btanay wali hoo'n".

Usny ik haath sy laptop paray kiya or takiya nikal k bed crown k sath seedhha lgaya, phir ussy taik lgaya, taik lga k paun seedhy karliay. Sath sath vo nafi main sar hilati ZARA k kahy andazo'n ki tardeed bhi karti jarai thi.

"Nahi, bilkul nahi".

"Aisa to hai he nahi".

"Aray meri shadi wegaira nahi ho rahi".

"Je nahi IRUM ki bhi nahi ho rhi".

Sarsari ZARA! Tumhari soch bas yahi tak hai. Ab kaan khol kar suno. Tumhary vo ERASMUS MUNDUS EXCHANGE PROGRAMME yad hai jisky liay hamny apply kiya tha? Can you believe it ZARA! Abhi pandhra (15) mints pehly mujhai university ki taraf sy mail ai hai.

Isnay sath ik hath sy pry paray laptop ka rukh apni janib mora or sar agay kar k gour sy dubara dekha.

"Han, pandhra (15) minutes phly, theek saray nou (9:30) bajay selection ki mail ai hai, tum bhi foran check kro, tumnay bhi apply kra tha, tumhay bhi mail ai hogi".

Woh phone ik hath sy pakry dusry sy button dba kar laptop off karny lagi.

"NAHI, SPAIN ki DUESTO ny nahi balky TURKEY ki SABANJI UNIVERSITY hamein select kiya hai or ab ham ik semister parhny panch(5) maah k liay ISTANBUL jaa-rhy hain.

Laptop ki screen andhair hui to isny hath sy dba kar band kiya, phir taar nikal kar side table par rakh diya.

"haan, mainy SABANJI ko net par daikha hai. Bohot khoobsurat university hai magar......."

Woh lamhay bhar ko khamoosh hogai. Dusry janib sy galiban astagfar kiya gya goya hui.

"BAS, ik chota sa masla hai lekin ham isky bary main apni families ko agahh nahi karengy".

Dheemi awaz main boltay huy isny gardan mor kar band darwazy ko daikha. " Drasal SABANJI main larkio'n k head scarf par pabandi hai. Udhar sar dhankna mna hai. Ghar walo'n ko btanay k bajay is baat ko goal kar jana. Waisy bhi ham dono main sy koi scarf nahi leta".

Ishi pal khirki k us paar kuch kharka tha. Woh chonk kar daikhny lagi. qad-adm khirkio'n k agay bhari pardy giry thy, albatta peechy jaliyan khuli thi'n. Shayad iska wehem tha. Woh sar jhatank kar phone ki janib mutawajja hogai.

"Abba ny mujhai kabhi scarf leny ya dhankny par majboor nahi kiya, THANK GOD...haan IRUM ghr k bahir scarf laiti hai, isky abu, TAYA FURQAN, zra sakht hain na". Woh phir sy bed crown sy taik lagay, neem daraz magan c btany lagi.

"Permission to koi masla he nahi. ABBA spain jany ki ijazat na daity magar TURKEY main SABEEN PHUPHO rehti hain na, so woh maan gay thy. Wesy bhi inhy apni beti pe pura bharoosa hai".

Phir woh chand-lamhy apni dost ki baat sunti rahi. ZARA khamoosh hui tou isny nafai main sar hilaya.

"Kal Nahi, DAWAR BHAI ki mehendi parso hai, tum arhi hona?"

"Or Haan, main or IRUM lehenga pehen rahy hain".

"Sary czns bohot excited hain, Khandan ki pehli shadi hai na".

"Okay tum ab jakar mail check karo, Main bhi soti hun, Raat bohot hogai hai". Alwidai kalmaat keh kar isny mobile kaan sy htaya or takkiay par uchaal diya, Phir jany k liay uth khari hui.

Bahir lounge khamooshi main dooba tha, HAYA ny ahista sy apny kamry ka darwaza band kiya or nangy paun chalti lounge sy kitchen ki taraf ai. Siyah lambi kameez or siyah khuly trouser main iska qad mazeed daraz lag raha tha.

Kitchen main andhera phaila tha. Woh darwzy k kareeb ruki or hath sy deewar par switch board tatola. Button dabnay ki awaz or battiya'n jal uthi'n.

Usnay agay barh kar fridge ka darwaza khola or pani ki bottal nikalny ko jhuki. Jhukny sy reshmi baal kandho'n sy phisal kar samny ko aa-giry. HAYA ny nazakat sy ungli sy inko peechy hataya or bottal nikal kar seedhi hui, phir counter par rakha ik kanch ka glass uthaya or bottal isme undaili. Pani ki nadi c glass main girny lagi, Tab he iski nigaah counter par rakhi kisi safaid cheez par pari , Woh jaisy chonk uthi, Bottal wahi selaib par rakh kar is taraf ai.

Woh safaid adh khuly gulaboo'n ka bookay tha, Jisme kahi'n kahi'n sabz patty jhalak rahy thy. Saath he ik band safaid lifafa rakha tha.

HAYA ny guldasta uthaya or chehry k kareeb lakar ankhein mondain soongha. Dill faraib tazgee bhari mehek isky andar tak utargai. Phool bilkul tazaah thy, Jiasy abhi abhi toray gay hoo'n. Janay kon rakh gya idhar?

Is-nay bnd lifafa uthaya or palat kar dekha.  Isme ghr k patay k upar numaya sa "HAYA SALEEM" likha tha. Peechy bhejny walay ka pta na tha, Bas courier servic ki stamp or stickers lagy thy. Mohr par ik roz qabal ki tareekh thi.

Isko kabhi ksiny yun phool nahi bhejy thy. Kiya mamla tha ye bhala?

Ulhajty huy haya ny lifafa chaak kiya. Andr ik mota kagaz tha. Isny do ungliya'n lifafay mn daal kar kagaz pakra or bahir nikala.

Safaid kagaz bilkul saaf tha. Na lakeer, na koi design. Bas isky wsat main angrezi main teen lafz likhy thy.

"WELCOME TO SABANCI"

Woh sannaty main rehgai.

Ye kya mazak hai? Bhala khat bhejny waly ko kesy pta k vo sabanji jaa-rahi hai? Khat pe tou ik roz qabal ki tareekh thi, jabky qaabuliat ki vo mail isay pandhra minutes pehly mosule hui thi. Jo baat isy officially batai he pandhra minutes qabal gai thi, vo is shaqs ko ik roz peshtar kesy maloom hui?

Agar ZARA ko isny khud abhi na btaya hota to wo samhjti k ye iski harkat hai or ye khat SABANJI UNIVERSITY ki taraf sy bhi nahi askta tha q k ispe ik qoumi stah ki courier company ki mohr lagi thi, phir kis-nay bheja isay ye?

Pani sy bhara glass wahi selaib pe chor kar, bookay or lifafa uthay woh uljhi hui apnay kamry ki taraf chali gai.

➠ NEXT PART WILL BE UPLOADED ON COMING FRIDAY ...